أدري

" أدري "

/////

أدري انّك هنا --- ياللي زدت التّغلّي

/

لاحظ انّي أنا --- جيت وانته مولّي

/

غيبي عنّي سنا --- تلتقيني ابمحلّي

/

كان قصدك عنا --- والاّ بي في تسلّي

/

خاب ظنّك بنا --- درب غيري تدلّي

/////

< بقلمي >

وينك

" وينك "

/////

وينك انت امن الهوى

ياللي تشكي لي الألمْ

/

عاد قلبك ما حوى

من الأذى و حرّ السّقمْ

/

كيف لو ذقت الجوى

و اشتياقك و النّدمْ

/

ما تلاقي لك دوا

للجراح ونزف دمْ

/

و العيون من النّوى

تشتكي قلّ المنمْ

/

و الوله ما قد عوى

لا و لا بجوفك هجمْ

/

خلّني محنا سوا

للهوى لا تقول سمْ

/////

< بقلمي >

لي ذكرته

" لي ذكرته "

/////

لي ذكرت الخلّ ويلي يالدّموع

ما تفارق عين مشتاقه عليه

/

مانطفت في وسط قلبي له شموع

تشتعل من نار جوفٍ ذاب فيه

/

مِنْ يطمّن قلب عاشق و مْقطوع

أو يودّيلي نظر عيني إليه

/

ويل صبٍّ في الهوى كلّه وجوع

و الدّوا عنده حبيبي في يديه

/

ما يهزّ الشّوق قلبه للرّجوع

ما لمح طيفي بباله يرتجيه

/

ويل من عاش الهوى دوم امخدوع

يا الحبيبة كمّ قلبي اتوقّديه

/

كم تفتّي الجسم فيني و الفروع

بالقطيعة و الجفى اللي ما أبيه

/////

< بقلمي >

ما يلام الحب

" ما يلام الحب "

/////

ما ألوم اللي بذي الدّنيا غريق

في بحور الحبّ ماله من نجاة 

/

عاشقٍ للرّيم تايه في الطّريق

لي شقت عمره و زادتْ من بلاه

/

عينها اللي أشعلت جوفه حريق

من سهام الرمش لي زاهي حلاة

/

و الجبين الله يا ذاك البريق

حاش بدر الكون واستوطن سماه

/

و الصّدر موج البحر غبّة و غميق

لا مشت ولاّ انثنت ذبت ابهواه

/

الله الله يا حلى الخدّ الرّقيق

يا حلاة الورد لي يسحر شذاه

/

و اللمى شهد العسل صافي بِرِيق

مثل خمر الكرم متعتّق عتيق

/

مايس القدّ ابخصر فاتن أنيق

ضمّته فيها دوا قلبي و شفاه

/////

< بقلمي >

يا جراحي

" يا جراحي "

/////

يا جراحي لي متى ما تنطفي

 يا عذاب الرّوح كافيني ألمْ

/

جاوبيني كيف عنّي تختفي

كيف يبرا من فؤادي ذا السّقمْ

/

لي هويته شاف غيري و مكتفي

خلّف الحسرة بقلبي و النّدمْ

/

حتى نوم العين عنها منتفي

و البقا لله يا جسم انهدمْ

/

يا جراحي راح لا لا تهتفي

دامني أمسيت في حال العدمْ

/////

< بقلمي >

خايف

" خايف "

/////

وانا خايف أجي يمّك تفزّ الروح ترجع لي

 تموتي يالغلا واحيا واعيش بنار حسراتي

/

يكفّيني نسيم الشّوق يشلّ النّوم و يخلّي

عيون القلب تتحرّى خيالك كل مساءاتي

/

و عيني اللي شتاها موج بحرٍ فاض من غلّي

تصحّي جرحي الدامي بنار اسيول عبراتي

/

حبيبي عيش واتهنّى و لا تهتمّ يا خلّي

مدام ادروبنا انسدّت تكفّيني خيالاتي

/

أشوفك في وسط حظني تفضّي الشّوق و تملّي

تملّي القلب باحساسٍ بخفّف نار لوعاتي

/

حبيبي لي خذا روحي تمنّاني أنا كلّي

و لكنّ القدر عيّا يحقّق لي مناماتي

/////

< بقلمي >

يا هوى

" يا هوى "

/////

يا هوى وش هو دوا اللي من الهوى

ما يذوق التّوم قلبه مستصيب

/

وقّد المحبوب نيران الجوى

واسكن ابقلبي جمر شوقٍ رهيب

/

يا هوى دلّ المعذّب للدّوا

لي يكفّ العين عن طول النّحيب

/

ذيب شوقي في وسط قلبي عوا

ما يسكّت لهفته غير الحبيب

/

زور قلب اللي من اعلومك خوى

يا عسى يوصل يداوي ذا الصّويب

/////

< بقلمي >

نسيم الورد

" نسيم الورد "

/////

يا نسيم الورد لي أقبل عليْ

وش بلاك ابطيت خبّرني و قول

/

ليش طالت غيبة اللي قال جي

هو نسى ولاّ عن اوصالي خجول

/

لهفة الأشواق ما تسوقه إليْ

و لاّ تاه ولا عرف يمّي وصول

/

ما انكوى ابنار الجوى في القب كيْ

ما يذوق الزّاد جسمه في نحول

/

ما بقى للصّبّ عقبه أيّ شي

شلّ عقلي وصرت من عقبه امخبول

/////

< بقلمي >

تكلّم

" تكلّم "

/////

تكلّم يا الغلا و ارخي لثامك

عساني مانحرم شوفة لماك

/

حبيب الرّوح عذّبني غرامك

متى الأيّام تجمعني معاك

/

تعال وضمّ عودي في عظامك

و طفّي نار قلبي اللي هواك

/

حبيبي لا تطوّل في خصامك

و تنسى من فؤاده ما نساك

/

تعال وقول وضّح لي كلامك

أحبّك يا الغلا و ودّي رضاك

/////

< بقلمي >